丁子高呻千嬅大花筒 2012年04月07日
[轉載/Youtube] 許志安、丁子高和許穎（ Phoebe）等前晚在中環 Magnum Club出席時裝店開幕派對， Phoebe一貫低胸裝現身。丁子高被問到快做爸爸的心情，他坦言未有太大感覺，又笑老婆千嬅說﹕「大家知我太太鬼咁鍾意買嘢，見到啲衫會一款買幾個色，女仔梗係冇所謂，但男仔買咁多都唔知做乜？」他更多謝陳慧琳老公劉建浩贊助 BB床。許志安下月舉行拉闊音樂會，現正找嘉賓，他笑說：「梁漢文收得好貴，家搵咗黃丹儀，佢都收錢，但會用嚟做慈善。」
