阿Y出碟呻冇摸胸片 何韻詩：梗係唔好出啦
[轉載/Youtube] 潮人黃偉文（Wyman 阿Y）上月的YY Concert叫好叫座，何韻詩和陳奕迅（Eason）臨場激吻摸胸，更令人回味無窮。阿Y前晚透露因唱片公司未達成共識，Eason部份表演環節可能不能收錄在DVD上，何韻詩大呼叫好，坦言不想回味、不想重溫！潮人黃偉文跟本地品牌Izzue推出交叉作Izzue collection x Wyman Wong，前晚在中環藝穗會舉行發佈會，配合「I've got nothing to wear」主題，模特兒在透明膠櫃內玩人體彩繪，又不斷換衫、試衫。阿Y形容今次風格平易近人：「構思用咗五分鐘，但生產用咗一年，之前嗰啲太瘋狂。」他指如全職出品牌做設計，恐防要犧牲作詞、寫專欄的工作。
Eason獨唱冇份
阿Y上月一連六場YY Concert正準備出DVD，但集合不同唱片公司，難度不少，他表示Eason的獨唱部份仍未傾掂入碟，希望Eason的公司可以「放一條生路」，阿Y說：「商業角度上係明白，但有人情喺入面，大合唱嗰part已經開咗綠燈，獨唱部份就未必得。」但他都不忘感激Eason為了YY Concert，將英倫騷延到下月。
同場何韻詩聽到她和Eason激吻摸胸的《芳華絕代》隨時不能收錄到DVD，大呼叫好：「咁咪好囉！個個喺現場睇得啦，一次過就得喇，唔好放入DVD喇。」收錄在DVD可以不時回味，重溫喎？何韻詩怪叫：「冇喎，點解要回味番，老實講，我不嬲唔會睇番以前作品，怪怪哋，梗係唔好出啦！」她表示自己被現場氣氛帶動，現時與Eason碰頭都不覺尷尬。
