饒珮君結婚 鮑姐贈生仔絕技
[轉載/Youtube] 41歲的前亞姐饒珮君昨日跟圈外男友羅凌威，於金鐘婚姻登記處拉埋天窗，好友羅霖和鮑起靜等現身祝賀，鮑姐更送上必生仔的招數給新娘。可能昨日天氣寒冷，穿斜膊婚紗的饒珮君竟不慎飛釘！戴上巨鑽戒指的前亞姐饒珮君（Kennes），昨日跟拍拖五年、任職海關督察的圈外男友羅凌威（Spencer），於金鐘註冊結婚，一群新舊亞視藝員包括江美儀、黃璦瑤、羅霖、鮑起靜和蔡國威等到賀。Kennes被在場親友要求跟老公羅凌威咀嘴時，表現得相當尷尬，最後只肯蜻蜓點水式吻一下。其後她跟老公接受訪問時，表示特意挑選在白色情人節結婚：「因為呢日易記，加上又係閒日冇咁多人，方便啲圈中朋友。」
師生戀結果
提及二人的相識經過？Kennes坦言Spencer是其學生：「佢跟我學跳舞，係我學生，我哋秘密拍咗四、五年。其實個婚禮唔係籌備咗好耐，只係個幾月，我哋一諗到想結婚就去結喇。」Kennes表示下月會跟老公到日本再影婚紗照及度蜜月，屆時可會積極造人？二人異口同聲指已有共識不要小朋友，Kennes說：「我哋都傾過，決定唔生BB，反而婚後會多啲一齊參加職業舞蹈比賽，做多啲成績，呢個係我哋嘅共同目標。」問Spencer太太有何吸引之處？他說：「唔只外在美，佢貴為咁有身份地位嘅人，都對我屋企人好好，內外美都兼備。」
「我最近學識」
到賀的鮑起靜指認識了Kennes多年：「我哋合作唔多，反而係私下見面多啲，佢好關心我，我個人比較土氣，佢就成日教我着潮啲，係我嘅老師。」鮑姐又指得知一招包生仔的招數：「我都係最近學識，想生仔就生仔，想要女就生女，所以我一定會教佢！」
