梁文軒打鼓 自學睇譜 音樂人網民like爆 少年鼓神打書打罐打出名堂
梁文軒 我是憤怒drum cover
[轉載/Youtube] 「誰說玩音樂一定要錢，只要有heart就可以了！」16歲的梁文軒Eric，聽着Beyond的《我是憤怒》，滿腔熱血敲打自家製的「鼓」－餅乾罐、枕頭、書本，打得起勁。「打鼓」片段網上瘋傳，網民、歌手聽得熱血沸騰，譽為少年鼓神，可是少年不敢追夢，恐打鼓不能餬口︰「屋企人會唔支持。」 記者：袁慧妍梁文軒在Youtube上載《我是憤怒drum cover》片段短短三日，已有逾10萬次點擊，歌手周柏豪亦於網上轉載片段，鼓勵Eric加油。Eric婉拒訪問，只透過facebook回應記者。
校內風頭躉
片段中的Eric，用枕頭、餅乾罐、課本就地製造私家鼓，兩本應用科學及中文課本，被他敲打至「體無完膚」。Eric說小時候已愛敲打奶粉罐，「鍾意打鼓嘅動感」。他說自學兩、三個月就懂看樂譜，又自學「打鼓」一年，無師自通，他說：「我咁大個仔只打過幾次真鼓。」
Eric坦言成績欠佳，就讀中三的他曾留級一年，家人反對他學鼓，怕他沉迷打鼓荒廢學業。Eric卻認為打鼓是一種推動力，不想父母為他預設將來的路，「畀我做我想做嘅嘢都唔得」。
打鼓的熱誠令Eric變成校內小旋風，同學在網站力讚他敢於追夢。他就讀屯門順德聯誼總會梁銶琚中學，校長戴明基昨表示支持Eric，「佢好有天份，其實佢打鼓，對學業冇任何負面影響，同成績冇關係。」
被指有天份
Eric「超鍾意」本地樂隊Mr.，Mr.成員之一、負責彈低音結他的Dash（譚健文）表示很欣賞Eric的才華：「呢位小朋友真係好厲害，好有天份。」Dash說自己與Eric有相同經歷，希望與他見面，「好想畀個真鼓佢，畀佢試下感受打真鼓嘅滋味，好想鼓勵佢繼續加油，永不放棄，下一代係好緊要。」
創作人周博賢認為，社會氛圍令年青人對追夢卻步，「社會認為年青人要正正經經搵份工，甚至炒呢樣、炒嗰樣，呢個環境對玩音樂不利。」他說現正製作有關《版權條例》修訂草案的歌曲，希望Eric加入錄歌，如有需要，可協助Eric借用樂器及band房練習。
