Chilam親唐 好姨揀唔落 肥媽鬧何俊仁潑婦罵街
[轉載/Youtube] 特首選舉投票在即，候選人梁振英、唐英年及何俊仁日前出席論壇一較高下，肥媽瑪利亞力撐梁振英，並批評何俊仁辯論時如潑婦罵街。張智霖（Chilam）坦言見唐英年肯承認自己有缺點而對他改觀，薛家燕（好姨）則謂三個候選人都不是理想人選。下星期日（25日）就是香港特首選舉投票大日子，選期越來越近，三位候選人梁振英、唐英年和何俊仁紛紛造勢拉票，日前三人進行辯論一較高下，不少市民皆有收看現場直播。
彈三人互挖瘡疤
肥媽瑪利亞和薛家燕前晚到西環出席懷舊音樂會，談到特首辯論，一向支持梁振英的肥媽，被問到唐英年指梁振英曾表示要出動防暴警察去阻止示威，她說：「葉劉淑儀話梁振英冇講過，我信葉劉，唐英年啲班底要check吓資料喇。」
肥媽批評何俊仁表現最差，她說：「佢成日話自己冇機會，咁做乜要參選？佢應該對提名佢嘅人負責任，佢只係猛咁逼梁、唐兩個人講六四，佢兩個都冇資格講。何俊仁身為律師，但講嘢講到好似女人咁，潑婦罵街。」肥媽認為梁振英是最有能力的一個，但她批評當晚辯論時各人只是互相挖瘡疤，根本沒有多談怎樣幫助及管治香港。
同場的好姨卻跟肥媽唱反調，他反而覺得何俊仁表現最好，認為他夠直率，坦言明知自己應沒機會當選。
Chilam讚唐唐坦率
問好姨的心水人選是誰？她直言：「三個都唔係我心中理想人選，真係都唔知點選，我諗最頭痕係中央囉。」
張智霖（Chilam）前晚到灣仔演出新城音樂會，他坦言亦有收看，看完後更對唐英年加分，他說：「佢講咗一句我好深刻，佢話自己嘅優點同缺點大家都一目了然，佢肯承認自己有缺點，證明佢個人好坦率。」至於心目中理想的特首人選，Chilam坦言：「我又冇得投票，所以我係好支持要有普選，每個香港人都想有。其實講真家邊個當選都冇所謂，因為唔會有一個係所有香港人都滿意，亦都冇一個係差到極點。」
