力證四哥冇病 婷婷爆老竇潛水摸海龜
[轉載/Youtube]謝霆鋒早前包下大馬小島，請全家去旅行，但同期爆出75歲的謝賢疑有暗病，暴瘦要吃中藥，事後四哥及拉姑，各自駁斥患病消息。謝婷婷昨日出席活動，再指父親謝賢在小島有潛水玩樂、摸海龜，更爆他有小肚腩，強調四哥身體壯健。謝婷婷、何超儀、陳貝兒、G.O.D創辦人楊志超及藝術家又一山人等，昨日在旺角出席星巴克的文化藝術concept shop開幕，其中何超儀遲大到，遲了足足45分鐘才到場。
百厭唔守規矩
75歲的謝賢早前被指暴瘦十磅，要看中醫和食野生草龜，霆鋒又少有發起全家旅行，包下大馬的貝沙島，和父母、妹妹婷婷等全家旅行聚天倫。婷婷昨日強調四哥身體無恙：「唔知點解會咁傳，佢冇嘢喎，我哋一齊出trip、一齊潛水，佢都有潛水，佢好百厭，又唔守規矩，我都好擔心佢。」是否擔心父親身體？婷婷說：「係怕佢亂嚟，馬來西亞要保育，佢走去摸啲海龜，等到教練要的走佢！」
婷婷表示四哥也很着緊自己身體，會定期做身體檢查：「佢話，最近一次做body check，身體仲好過醫生。其實我唔覺得佢瘦，佢個肚都仲喺度，爹哋幾大隻㗎，我唔覺佢瘦咗。」她指兄長霆鋒都沒有因此緊張爸爸身體。
煲老翻被搵笨
婷婷又提到曾和父親一齊睇老翻《少林足球》：「爹哋拍過太多片，好多佢都冇睇過，有次我同佢一齊睇，點知一開就講國語，又沙沙聲，又有人行來行去，好好笑。」
