周董女友同樣冇品 昆凌泊霸王車阻街
[轉載/Youtube] 台灣嘅周杰倫早前因為俾狗仔隊追蹤同模女友昆凌食飯，結果搞到動粗收場，但昆凌似乎冇受件事影響，大前晚見佢揸住架Audi TT跑車去信義區shopping，但係佢就貪方便將架車停喺巴士落客處，結果搞到有兩班巴士嘅乘客上落車唔方便。阻巴士上落客
犯規嘅昆凌血拼完同女助手離開商場，仲一臉輕鬆上車，完全無視自己違規停車近20分鐘。昆凌嘅經理人知道後代佢道歉：「當時我們急着進去買東西，才沒注意到那個地方是公車專用，出來發現後嚇了一跳，對於造成不便，感到非常抱歉！」
周董前晚就擔任張惠妹台北演唱會嘉賓，阿妹不避忌咁攞佢打狗仔隊件事嚟玩，周董當日叫狗仔隊唔可以叫佢全名，當周董出場同阿妹合唱《黑吃黑》，佢先用自創Rap歌詞取笑阿妹：「王力宏站在哪邊？哈林（庾澄慶）他親妳哪邊？」但他諗唔到俾阿妹玩番轉頭問：「我可以叫你全名嗎？」周董即答：「廢話！」
跟住阿妹仲扮狗仔隊攞住手機喺周董面前搖來搖去：「我如果這樣拍你會激怒你嗎？」周董無奈擺出手勢畀阿妹影。之後阿妹叫台下觀眾一齊大叫「周杰倫」，佢聽到即笑得不知幾尷尬。
