應采兒怒哮退小三 小春淆底：冇感情缺失
[轉載/Youtube] 【第16屆香港國際影視展之大婆贏晒】陳小春去年底在北京拍攝《3D詭婚》時，同片有女演員乘合作之便主動追求，激得其妻應采兒（丁丁）發火，在微博狠下戰書，揚言小三若再搞她老公，定必公開她的名字。昨日小春出席香港國際影視展時，稱以後不會跟人有眼神接觸，因家裏有隻河東獅。陳小春與應采兒結婚兩年一直恩愛，想不到依然有小三介入其幸福婚姻，乘合作之便主動追求小春，觸怒丁丁在微博警告小三若再搞她老公，定必公開她的名字。事後小春即發表愛的宣言：「我好愛我老婆！」以示忠貞。
外界一直很好奇小三是誰，有說是與小春合演《3D詭婚》的其中一位女星，該片女演員有傅穎、夏文汐、台灣演員李婷宜、內地演員江雨霏及班嘉佳等。昨日小春在會展出席香港國際影視展中的電影宣傳活動時，只說：「我冇小三，只有大婆，同佢認識咗之後，只交換咗微信，只係通訊過一次、半次就搞啲咁嘅嘢！家佢都唔敢再有行動啦！」
傅穎呻無辜
問到老婆是否很很惡，故很怕老婆？小春說：「家英哥都話怕老婆會發達，我又唔係怕老婆，係互相尊重。」他又形容家中有隻河東獅：「你哋都應該知我老婆火嚟嗰陣，唔使動手，只要一出聲就嚇親啦！」
為免老婆不放心，小春曾想過以後不用電話，他說：「我想唔用，但好難。我冇感情缺失，家唯有盡量同人冇眼神接觸囉！」問到最近丁丁胖了，是否有喜？小春笑說：「傳啫！啲人夠話周杰倫係巨鵰，我就唔信！我都好想有BB，我已經好攰，腳都軟，但未有都冇辦法。」
傳穎昨與小春、趙碩之等同場宣傳，她否認是小三：「我喺拍攝現場見唔到小春同其他女拍檔特別好，其實佢兩公婆都冇出嚟講過係呢部戲嘅女演員，傳成咁，呢部戲嘅女仔都無辜。」對於舊愛羅仲謙與楊怡發展，傅穎說：「靚仔靚女，幾襯呀！過咗去嘅嘢，我唔想提啦！」
