自爆閨房樂 Lynn透視內衣攻城
[轉載/Youtube] 熊黛林（Lynn）、謝婷婷和袁詠儀等昨日在灣仔睇時裝騷，Alice B.透視行騷，成為全場焦點。Lynn入行初期為生活，也曾真空行騷，她表示有收過透視性感睡衣，更會閂埋門着給自己人欣賞，看來男友郭富城眼福不淺。台灣名模白歆惠、姚予晴和Alice B.等，昨日在灣仔演出意大利品牌Anteprima2012春夏時裝騷，熊黛林、袁詠儀、謝婷婷和Amanda Strang等升格為座上客睇騷。
自爆往日辛酸
袁詠儀大合照時鬼馬伸脷、踢腳搶鏡，但不及Alice B.演繹透視裝時大方透點上陣成為焦點，Alice B.事後直認：「本來是貼乳貼的，但效果不好看，也覺得自己要專業點，就直接出場，我也不覺得尷尬，這是模特兒的工作。」
Lynn也愛穿透視裝，但坦蕩蕩式真空就不再接受，她直認早年在內地做模特兒時，也試過無遮無掩，真空透視行騷，她說：「以前為生活冇得揀，冇job要求人，沒辦法！」提到穿性感透視睡衣，Lynn暗示有收過愛人送的，她嬌羞說：「閂埋門嘅嘢唔講囉。」追問下她也承認有着給愛人睇，並儍笑說：「咁禮貌上都會着番，唔會好誇張，雖然我哋係自己人，但都有底線㗎。」
靚靚釘實魔童
此外，袁詠儀（靚靚）談及近期的拐子佬事件，她表示不會效法陳奕迅（Eason）請保鑣：「用人釘人政策，唔係阿媽就有司機接，都OK。」靚靚會和囝囝魔童一齊睇報紙講解，不過她踢爆老公張智霖扮型，經常不肯拖仔。
