黃金盛男狂惹蜂蝶 古仔遭港女生擒喊驚
[轉載/Youtube] 盛女潮退減，盛男也成為另一焦點。黃金盛男古天樂前晚在九龍站出席活動時，遭女粉絲衝前蹺手親近，嚇到古仔一臉茫然，他透露在內地、韓國有遇過熱情男及女粉絲。古仔自認怕人多，又怕熱情的陌生人，但也期望外遊時會有艷遇。古天樂、Angelababy（楊穎）、熊黛林（Lynn）、任達華、琦琦、薛芷倫、黃偉文等，前晚在圓方出席Jimmy Choo新店開幕。古仔由通道行出場時，忽然有一名金髮女粉絲突破圍欄，衝到古仔身邊蹺住他的手，古仔顯得一臉茫然，還未定過神，粉絲已由兩名保安拉走。
熱情韓男送酒
古仔說：「我都嚇咗一下，唔識回應，有啲愕然！有次喺北京宣傳，我跟大隊，但行得後咗，有兩個女仔好熱情喺我後面大叫『古仔！』，好怪，我聽到聲即刻九秒九衝上車，其實佢哋都幾靚女。」那何解如此驚慌？他說：「我由細到大都怕陌生人同多人，尤其太熱情，好驚。」盛女特別狼？他說：「冇分盛唔盛女。上個星期喺韓國拍廣告，隔籬有兩個男仔送咗支酒畀我，佢哋自己都有女伴。」
提到他男女通殺，古仔說：「唔知點解，喺外國時都有。」記者指他是黃金盛男，他笑說：「冇研究，隨緣啦，父母都冇催，或者去旅行會有艷遇啦！」
Baby熟女出寫真
Baby作為模始祖，暑期臨近，她表明短期內不會出寫真，最快要五、六年後：「我反而想出唱片，周杰倫作畀我嘅新歌，MV近日出咗街，如果出CD或者加送影集。」她指近期無暇去睇GaGa，又借GaGa買翻版和自己戲言炸飛機來相提並論：「家artist講嘢真係要好小心，講笑都會當講真。」
而Lynn則承認經理人Kim曾為她收過不少飯局邀約，但絕不會去：「女仔嘅名聲同名節都好重要！」
