替補惡法拉布戰 打散建制派 保皇10人做逃兵立會流會
立法會原定昨早復會，繼續審議有逾1,300項修訂的替補惡法，可是建制派經過前日的「拉布戰」後，10名建制派議員以不同藉口做「逃兵」，未有準時出席會議，結果立會主席曾鈺成以開會人數不足法定要求，被迫宣佈流會，暫時拖延惡法通過。建制派企圖將保皇不力的責任，推落杯葛會議的泛民立會議員身上，但泛民及人民力量議員直斥替補惡法不得民心，認為政府應立即撤回惡法。
惡搞網絡23 豁免煲呔亂倫獸交 2012-5-3
惡搞網絡 23 千條修訂萬能 key
拉布好好瞓 拉到主席都頭痕 2012-5-3
IFPI促盡速通過「網絡 23條」
黃毓民-(法案二讀)2012年立法會(修訂)條例草案2012-5-2
[轉載/Youtube] 民間反「網絡23條」群情洶湧，政府昨與民建聯會面後，決定把版權條例修訂草案二讀押後三至四周。據悉，國際唱片業協會（IFPI）正部署反撲，促政府速戰速決於本立法年度通過草案。據了解，IFPI正游說業界再次表態支持修訂草案，初步計劃於短期內召開記者會及登報。IFPI認為本港針對互聯網方面的版權法極度落後，六年前業界已爭取修訂，如今卻被政黨「利用」。萬一草案今個立法年度不獲通過，業界或須再花上數年時間與政府商討。
香港作曲家及作詞家協會（CASH）昨日發表聲明，對於社會有意見指條例窒礙二次創作，該會對此表示「中立」，希望「更深入及理性」討論二次創作，對公眾諮詢持開放態度。
懶理創作人訴求
作詞人周博賢上周聯同謝安琪、林一峰等音樂創作人去信版權業界組織，周指在信中要求雙方會面討論版權條例，CASH已答應本月16日見面，但IFPI至今未回覆，「我哋好和平理性咁想坐低傾，佢唔回應不突止，仲要做小動作。佢唔係好想諮詢，出嚟扮受害者，完全唔尊重創作人意願。」
二次創作權關注組發表聲明，對於政府拒絕收回草案表示憤怒。關注組指出，分享二次創作及超連結已可能觸犯現時的版權條例，須面對刑責，條例對版權收費組織等既得利益者「嚴重傾斜」，要求政府徹底免除二次創作及網上分享的法律責任，並訂立條文監管版權組織的收費制度。
對於民建聯寄望政府利用未來一個月，釋除公眾對版權條例的疑慮，鍵盤戰線成員Summer直指市民正正對政府失去信心，民間訴求是立即撤回草案並就豁免二次創作刑責展開公眾諮詢，因此網民抗爭行動不會停止。他又指建制派只是礙於立法會選情才要求押後草案，「如果拖得到下年，建制派過咗海就神仙」。
禮義廉一話「網絡23條」要停一停，政府隨即詐降，推遲一陣再戰立法會。但政府一日唔豁免二次創作，相信由人民力量提出嘅逾千條修訂都會重新上枱，到時睇吓保皇黨班舉手機器會唔會又發老脾。八方睇過大嚿提出嘅部份修訂，覺得佢哋好似網民做二次創作咁，其實係喺度惡搞緊條《版權條例》囉。
職位罪行修之不盡
替補機制嘅修訂仲未玩完，嚟緊網絡23條嘅修訂就更加精采。其實咁多條修訂都係萬變不離其宗，秘訣就係善用「萬能key」，例如其中一項就豁免二次創作描述「不同人物」涉嫌干犯「不同罪行」嘅修訂，大嚿就惡搞呢兩個subject，不斷換上特首、影視紅星、歌星、共產黨員、司局長等不同身份，罪行就輪流用上亂倫、強姦、獸交、謀殺、收受利益等不用字眼，咁就演變出逾百項修訂案。
舉個例，其中一項修訂，就係要喺條例中加入「用於描述或評論涉嫌『收受利益』的『任何中國地下共產黨員』的影片或聲音紀錄除外」，唔鍾意呢個配搭？可以改為「涉嫌『煽惑叛變』的『任何立法會議員』......」咁又得咗，咁樣無限loop修訂，簡直係可以「修」之不盡。
人民力量嘅網台主持人「皇上」黃洋達負責集結網民智慧，收集呢啲修訂。皇上話，原本有萬多條修訂，最終都係整咗千多條畀政府嘆。佢話，最值得大家留意嘅係，若侵權作品喺公共傳播中係「為收復釣魚台列島而作出」、「收復台灣」亦可獲豁免，到時睇吓班保皇黨敢唔敢投反對票！
