2012-04-17
[轉載/Youtube] 黃長興將於七月與拍拖三年的女友Peggy到法國註冊，並於三月在香港洲際酒店設宴擺酒，昨日，他們在香港各地拍攝婚紗照，二人又抱又咀。而一班型佬兄弟如謝天華、洪天明、吳家樂、方中信、陳小春、雷頌德夫婦亦各自駕駛「愛車」到場撐場。說到造人大計，長興坦言外母下令禁慾：「我以為註咗冊就得，但外母話要梳頭、擺酒後先係正式結婚，唔爭在捱埋嗰陣，大肚擺酒唔係咁好，我都提議外母不如喺法國梳頭，佢話唔得。」長興表示已買樓，說到他有車、有樓、有舖萬事俱備，他笑言謂：「係呀！有埋老婆仲欠小朋友就完美！」而六月才考牌的天明坦言趁老婆心情好，已落訂買車。
