港產咖啡王子揚威國際
[轉載/Youtube] 港產咖啡王子榮登國際飲食界舞台，佢就係舊年贏咗香港咖啡拉花比賽冠軍嘅楊曜輝，剛過去嘅周日（3月11日），喺美國紐約咖啡節嘅拉花比賽，攞咗全場總冠軍。當地評審嘅準則包括圖案美感、色澤混和、難度、創意同速度。其實，23歲嘅楊曜輝入行只有一年，佢修畢工程高級文憑課程後做文員，只係半年就厭倦沉悶嘅文職工作，決定轉行學冲咖啡。佢嘅理想就係可以自己開間咖啡店。佢曾經講過，咖啡拉花藝術最重要係打奶，要用蒸氣打熱牛奶，要打得好軟綿綿，而且唔太稀唔太濃，先可以喺咖啡拉出又靚又唔易變形嘅圖案。
