連番攬女封餓狼隊長 馬德鐘學唐唐推妻擋箭
[轉載/Youtube] 馬德鐘繼涉及陳嘉桓抽水事件後，日前他和孫耀威又被拍到對女化妝師上下其手，昨日馬德鐘效法唐英年出動老婆晒恩愛辟謠，他稱獲老婆信任，更聽話會轉用男助手，不過老婆亦有責罵他不要再近異性，故此日後見到女人會即時彈開。被形容為「餓狼隊長」的馬德鐘，繼早前捲入陳嘉桓被抽水事件後，近日又被拍到在內地和孫耀威在女化妝師身上動作多多。昨日馬德鐘效法特首候選人唐英年出動老婆辟謠，他和老婆張筱蘭一同到沙田馬場出席打吡大賽，兩人十指緊扣態度親匿，更全程笑咪咪。
老婆禁近女色
馬德鐘透露剛剛和老婆去完馬來西亞度假，不過兒子因要返學未能同行，但他已計劃月尾再一家三口一同旅行，大晒幸福。
問馬德鐘與孫耀威的新聞有否影響和老婆的度假心情？馬德鐘謂：「起初冇，不過我一直冇回應，內地傳媒寫到好嚴重，搞到fans好擔心，我80幾歲嘅雙親都係。覺得好無辜，咁夜咁凍，就算你見到個唔識嘅女仔醉成咁都會問吓，咁佢醉到坐喺地，如果我矮啲佢就唔係對住我敏感位置，我只係為佢擋風。」
談到是否獲老婆信任，馬德鐘說：「佢好信任我，但都有鬧，叫我唔好咁近女人，之前我係用女助手，老婆都叫我換男仔。」老婆會否做跟得夫人作監視？馬德鐘表示近來跟老婆經常在一起，只是大家不想分開，他透露兩公婆反而因事件多了溝通，感情更進一步。
見女人退一步
馬德鐘直言日後會對異性有所避忌：「會反省同小心啲，就算要gentleman都要諗吓尺度同角度，見到女人都要退一步。」另外，馬德鐘說在港沒跟任何電視台簽約，只簽了經理人接工作，他更說會優先考慮無綫。
