感激狗仔隊趕絕拐子佬 霆鋒囝囝大小便任影
[轉載/Youtube] 謝霆鋒、劉青雲和爾冬陞（小寶）等昨日出席電影宣傳，對於近日香港盛傳有拐子佬拐帶小童，跟前妻張栢芝育有兩子的霆鋒表示感激眾多狗仔隊跟出跟入代為保護，所以絕不擔心，他更笑言：「最好有咁貼跟咁貼，大小二便都影就最好。」爾冬陞監製、羅志良執導的電影《消失的子彈》昨日在灣仔會議展覽中心舉行記者會，一班演員謝霆鋒、劉青雲及廖啟智都有到場宣傳。在台上小寶以普通話發言，笑稱謝霆鋒跟內地女星楊冪在戲中「原來」有床上戲，在旁的霆鋒搶着說：「你用『原來』，那我不是白幹了嗎？」小寶解釋該段床戲還是保留了，不過因電影太長而剪短了。
拍床戲冇啖好食
之後謝霆鋒接受訪問時表示，與楊冪的床上戲點到即止，他說：「入行以嚟都好少拍呢類戲，記得第一次係同舒淇。唔係要顧形象只不過係冇乜人搵。」霆鋒笑言拍床戲前要有準備，要保持美好身形上鏡，就不能入廚煮美食給自己品嚐。
近日香港盛傳出現拐子黨，但身為兩子之父的霆鋒表示從來不會擔心，他說：「我真係要好多謝傳媒跟出跟入，所以唔好再鬧佢哋，我兩個仔一出嚟600隻眼睇住，一影相就有200萬張相放喺微博，我好放心，所以最好有咁貼跟咁貼，大小二便都影就最好。」而且他笑言不會放過拐子黨，霆鋒說：「我傻㗎，搞我個仔我會箍住你唔放，追你哋十八代都追。」
青雲撲火唔露體
此外，同場的劉青雲表示戲中沒霆鋒那麼幸福拍床上戲，不過就很欣賞霆鋒，他說：「佢差不多所有動作都係自己上陣，霆鋒好鍾意拍動作戲而且唔錫身。」青雲稍後會跟彭氏兄弟合作拍攝消防員電影，他笑言消防員要穿衣服救火不用赤身露體出場。
