GaGa粉絲扮嘢大格鬥 隊啤MaMa險勝大點阿芝
[轉載/Youtube] 【GaGa瘋之歡樂滿GaGa】政府擬立法收緊二次創作，但GaGa粉絲一於少理，趁偶像來港開騷發揮創意，把GaGa過往造型再創作擺上身，連鍾楚紅都野性打扮趁熱鬧，堪稱香港史上最多人扮嘢的演唱會。
藝人始終未及fans去得盡，幸卓韻芝挽面子，其鬼僕造型除贏得高登近四千負評外，更殺入GaGa扮嘢比併第二位，輸了個馬鼻給雌雄莫辨的隊啤MaMa。阿芝昨日在電話中說：「睇騷前一晚，GaGa夢召我同班朋友要呢個造型去捧場，醒咗大家都着咗魔咁打扮，我當晚企第一排，GaGa兩次行埋嚟同我講you're so cute，呢啲叫cute，我返屋企成晚瞓唔着囉！」GaGa今日和後日最後兩晚開騷，各位小魔怪要挑機就把握機會！
No.1：隊啤MaMa
「隊啤MaMa」雌雄莫辨，其啤酒桶身形可隨時refill手中的啤酒。難得「他」仍有勇氣穿上迷你裙上陣，一雙肉髀和強勁臂彎盡現人前，其儼如啪了藥的迷離眼神也堪稱一絕。攝影：王連連
「隊啤MaMa」雌雄莫辨，其啤酒桶身形可隨時refill手中的啤酒。難得「他」仍有勇氣穿上迷你裙上陣，一雙肉髀和強勁臂彎盡現人前，其儼如啪了藥的迷離眼神也堪稱一絕。攝影：王連連
No.2：大點鬼僕
卓韻芝最近在高登討論區累積負評，她乘勝追擊屢負屢戰，來個鬼僕（小圖）交叉感染白骨精的幽靈look，眉間兩點加強放大，落咁重藥，4000負評冇難度。攝影：陳俊強
卓韻芝最近在高登討論區累積負評，她乘勝追擊屢負屢戰，來個鬼僕（小圖）交叉感染白骨精的幽靈look，眉間兩點加強放大，落咁重藥，4000負評冇難度。攝影：陳俊強
No.3：靚佬GaGa
「靚佬GaGa」樣貌和造型幾可亂真，實情他是男兒身，更專業到貼上黑色乳貼，皆因條低胸裙經常滑下，連蝦碌事都似足GaGa。
「靚佬GaGa」樣貌和造型幾可亂真，實情他是男兒身，更專業到貼上黑色乳貼，皆因條低胸裙經常滑下，連蝦碌事都似足GaGa。
No.4：Coke上腦
Lady GaGa在《Telephone》的經典可樂頭造型，「Coke上腦」將廢棄可樂罐放上頭兼襯衫，環保又出位。
Lady GaGa在《Telephone》的經典可樂頭造型，「Coke上腦」將廢棄可樂罐放上頭兼襯衫，環保又出位。
No.5：黑絲母女
這對母女肯定是GaGa的die hard fans，連續兩晚捧場，兩人均穿黑色絲襪上陣，可謂襯到絕。
這對母女肯定是GaGa的die hard fans，連續兩晚捧場，兩人均穿黑色絲襪上陣，可謂襯到絕。
No.6：Paco與豹小子
除了二次創作，今次GaGa個唱勁多粉絲作原創打扮突圍，這位貌似Paco（左一）的粉絲帶領一班甚有八十年代風味的豹小子兼豹女郎出場，十公里外都唔怕走失。
除了二次創作，今次GaGa個唱勁多粉絲作原創打扮突圍，這位貌似Paco（左一）的粉絲帶領一班甚有八十年代風味的豹小子兼豹女郎出場，十公里外都唔怕走失。
No.7：骷髏部長
這位一身酒樓部長打扮的粉絲，其面上的骷髏圖案極其精細，肯定花了不少時間，單是這點心思都應該讓這位小魔怪殺入十大。
這位一身酒樓部長打扮的粉絲，其面上的骷髏圖案極其精細，肯定花了不少時間，單是這點心思都應該讓這位小魔怪殺入十大。
No.8：黑超黐孖辮
這位黐上金髮孖辮的歌迷丁點不黐，因為他確實為了得到GaGa的限量版紀念品及在後台與GaGa相見，排了幾日通宵，總算得償所願。
這位黐上金髮孖辮的歌迷丁點不黐，因為他確實為了得到GaGa的限量版紀念品及在後台與GaGa相見，排了幾日通宵，總算得償所願。
No.9：得閒修女
世上有邊位修女得閒過呢位？「得閒修女」將時間花在逐粒閃石黐上面，而沒有定時禱告，宗教團體得知後又難免會發難。
世上有邊位修女得閒過呢位？「得閒修女」將時間花在逐粒閃石黐上面，而沒有定時禱告，宗教團體得知後又難免會發難。
No.10：四朵膠花
GaGa的蝴蝶假髮飾造型十分經典，這四位粉絲加埋閃片造型，十足酒廊賣唱歌手，四朵膠花一字排開，勢都贏埋。
GaGa的蝴蝶假髮飾造型十分經典，這四位粉絲加埋閃片造型，十足酒廊賣唱歌手，四朵膠花一字排開，勢都贏埋。
