《七一上街圖》添食 市民憤怒鳥
[轉載/Youtube] 民間人權陣線舊年為7.1遊行製作嘅《七一上街圖》反應良好，成為唔少市民珍藏品；民陣今年再接再厲，搵嚟爆紅社運漫畫家Cuson Lo操刀，畫盡政圈過去一年令全港市民憤怒鳥嘅醜人醜事；7.1上街，點會冇理由吖？八方知道讀者好想先睹為快，所以成功情商民陣率先畀份草圖嚟止吓渴；召集人黎恩灝話上街圖仲有少少內容要執，下星期先至會正式公開。
政圈過去一年咁多膠嘢，搞到今年上街圖賣點多到數唔晒，八方鍾情嘅就有幾處，包括飯焦上場帶挈胡椒噴霧大熱、狼振英倡議出動防暴隊令市民巧驚驚，以及中指黃同曾鈺成合謀粗暴剪布，閹割立法會。至於製作人Cuson，原來最like皇上（黃洋達）嗰part，佢話皇上目前身在獄中，成班fans好掛心。
七.一上街圖 - 香港民運 板
