三劇演員大晒冷 王維基死撐「唔想咁快發牌」
[轉載/Youtube] 久久未獲政府發放免費電視牌照的城市電訊電視昨日舉行記者會，老闆王維基率領三套新劇的演員大晒冷，並透露免費電視牌照尚欠細節問題，王維基說︰「我都唔想佢咁快出，想儲多200至300小時劇集。」城市電訊電視昨日於尖沙嘴舉行記者會介紹三套新劇，王維基與三套劇的演員包括蘇永康、廖碧兒、梁小冰、唐禹哲及詩雅等等齊亮相。眾演員在台上分享感受，姜文杰稱終於能以演員身份上台，其妹妹姜麗文聞言即感動落淚。
蘇永康被問到酬勞如何，他寸爆無綫說：「同邊間比？同無綫比？加多兩、三個零囉，我喺無綫都係有封利是，一百蚊當係車馬費。今次同王生（王維基）就係by project計，王生畀錢叫我拍多部，但我主要係歌手工作，所以推咗。」他笑言劇中角色與現實一樣，醜樣但很貪靚。問他會否怕城市電訊最後不獲發牌？他說：「我做演員都係做好啲戲，但都覺得政府應該開放免費廣播市場。」
梁小冰邊咀邊剝
問到王維基免費牌照的進度？他表示已到最後階段，尚欠一些細節問題：「我都唔想佢咁快出，想儲200至300小時劇集，家我哋幕後有300幾人，今年會增加到700人。」有指廖碧兒接拍新劇時被要求先打botox瘦面，王維基笑言：「冇喎！唔需要啦！佢家都靚到流晒口水。」身邊的廖碧兒亦否認傳聞，自言包包面上鏡更有福氣。
梁小冰透露新劇中要一人分飾九角，由18歲演至80歲：「我要打造成一個性感美少女，同周俊偉有床戲，一路咀一路剝。」
