524生日上新戲 栢芝求唔易死
[轉載/Youtube] 張栢芝俾資深影人蕭若元揶揄做「負數演員」，前輩果然獨具慧眼，栢芝真係連仆三片成為票房毒藥，先有《無價之寶》再有《楊門女將之軍令如山》，最後《極速天使》接力，栢芝仲憑《楊》片成為本報嘅金話梅影后，仲攞埋內地金掃帚影后，值唔值得恭喜就見仁見智。所以今個月嘅24日佢又有新片喺香港上嘞，就係同韓國男演員權相佑主演嘅電影《影子愛人》。揀5月24日呢個日子就令馮仁昭聯想到兩個含意，第一嗰日係栢芝32歲生日，可能佢希望可以用生日同自己冲喜；另外就係食番524個諧音「唔易死」，希望套戲唔會死。
霆鋒同model對打
其實套戲個古仔都頗老土，栢芝分飾平民同千金小姐，又係小姐失蹤權相佑搵人頂替後互生情愫呢類，真心希望栢芝唔好憑呢套戲連任來屆本報嘅金話梅獎，畀個機會其他人啦。
另外，栢芝嘅前夫謝霆鋒除咗繼續做佢嘅CEO之外，最近仲幫美國節目《American Top Model》做咗一兩集，班model嚟香港學功夫同霆鋒玩對打。
