日本遇超強風兼捱凍 姚樂怡追櫻拍婚照
[轉載/Youtube] 龍年娛樂圈喜事未停過，姚樂怡將於下周四出嫁，早前與準夫婿吳俊匡 （Alan）到京都拍攝在櫻花樹下的結婚照，由於今年日本櫻花開得遲，姚樂怡變身追櫻一族，提早到當地預備。她們還遇上日本59年來最強的烈風侵襲，幸到正式拍照當日便雨過天晴，讓他們可在櫻花樹下晒幸福。姚樂怡與拍拖8年的圈外男友Alan將於下周四（26日）在Ritz Carlton酒店舉行婚宴，雖然早前已在香港拍攝婚紗照，但樂怡一向喜歡日本，故月初再出發往東京及京都取景，她笑說：「之前老公喺日本向我求婚，覺得如果可以喺櫻花樹下影婚紗相會好浪漫，所以決定再影。」
滯留東京暴食
不過，一對新人出發前卻遇上阻滯，她解釋：「因為寒冷天氣影響，令櫻花遲遲未開，我哋又驚復活節假期好難訂機位，惟有提早幾日去吃喝玩樂一番。」樂怡原本定下目標，要在拍攝前減去13磅，結果只減得7磅，她笑說：「本來計算好可以喺拍攝前體重達標，但遲咗影，留喺東京嗰幾日有太多好嘢食，結果變回原形，好彩影出嚟嘅相都唔覺好肥。」
樂怡在本月2日抵達東京，第二天日本受59年來最強的烈風侵襲，樂怡猶有餘悸說：「從未見過咁強嘅暴風雨，聽講嗰場風嘅威力相等於香港嘅八號風球，喺街上行都怕俾風吹走，所以我哋成日都留喺室內唔敢出街。」
見櫻花心情靚
之後風勢減弱，樂怡到達京都時天氣便放晴，見到盛放櫻花，樂怡心情靚大讚天公造美。之後他們還到海邊拍攝，由於氣溫低至接近零度，加上樂怡穿着的婚紗又薄又露膊，所以每拍完一個鏡頭都要工作人員為她披上厚厚的外套保暖。
