周志文被翻風流帳 床照曝光 2012-04-12
[轉載/Youtube] 被傳因拍劇而和無綫花旦馬賽撻着的「巨聲幫」大孖周志文，即時被踢爆原來有正印o靚模女友袁聖殷（CoCo）後，昨日網上更流傳大孖同前度的情慾床照，大玩脷疊脷兼豪放露底，並爆料指大孖向來有溝女癖好，為新一代溝女王！憑參加《超級巨聲》入行後獲無綫力捧、現年22歲的大孖周志文，近日傳出瞞住o靚模女友CoCo，與馬賽合拍劇集《名媛望族》時撻着，並指馬賽曾邀請大孖到家中短聚。雖然被踢爆有正印女友，但大孖唔認又認，生怕感情影響事業之際，昨日網上流出大孖的情慾舊相！
這批相片共七張，清晰可見大孖的稚嫩容貌，與一名年輕女友在床上親熱合照外，他又赤裸上身只穿內褲睡在床上。另外，大孖和女友閉目陶醉地脷疊脷自拍，親熱程度爆燈！其中有一張最激的，莫過於是大孖和女友齊齊赤膊，大孖「從後而上」擁實女友齊齊側臥合照。
曾一腳踏三船
據認識大孖多年的知情人士透露，指相中的女仔是大孖的中學同學，更直言大孖一直以來都是「溝女王」，「大孖對女仔好細心，成日向啲女仔又電話又短訊，隨傳隨到，而佢把口真係浪過油，好識捉心理，所以啲女仔一識佢，唔夠一星期就追到手，當然更加有下文啦！大孖追女口味得兩樣，一係有錢，一係靚，所以以前都向過唔少model仔埋手。」
該名知情者再爆料，指大孖來自單親家庭，早在中學時期已是溝女王，更指2009年大孖入行參加《超級巨聲》時，極速搭上同期參賽者王嘉儀，但同時已有兩名女友，一名是模特兒，另一名是一位圈中前輩的親戚，實行一腳踏三船！大孖如此識冧女，難怪正印CoCo日前親赴上海，(目及)實和馬賽拍劇的男友，CoCo更明言：「唔想我唔喺度佢身痕！」
「係好耐之前」
記者致電身在上海的大孖，對於網上流傳慾照一事，他說：「就算係都應該好耐之前，可能讀緊書嗰陣。（讀書時好花弗，成日影呢啲相？）唔係，就算影親密相，都係拍拖時會影，不過真係唔知點解會有呢啲相流出嚟，最近都好多新聞，過去嘅嘢已經過去，依家我只係想專心工作。」至於細孖周志康相比哥哥就專一得多，另一半是拍拖五年的圈外富家女，感情生活穩定。
