揚言同吳帥冇任何關係 思琦谷奶銀咪咪受襲
[轉載/Youtube] 被指患了產後抑鬱的楊思琦，昨日復出出席商場活動搵奶粉錢，狀態不俗，並否認有產後抑鬱，不過思琦承認單親媽咪路難行，但承諾會努力令女兒卓穎健康快樂地成長。至於女兒的爸爸是否吳帥，思琦表明與此人已無任何關係，並強調自己是慳妹一名，經濟亦沒有問題。思琦昨午到大埔超級城出席兒童節活動，個半小時跟觀眾玩三個遊戲即賺12萬元，不過這12萬可算是血汗錢，因思琦抱貓咪時不慎被抓傷右胸，留下一道紅痕。其實剛坐完月的思琦精神不錯，尤其因谷奶令上圍升cup，只是腰圍暫未回復昔日纖幼。
為囡囡抗抑鬱
活動完畢接受訪問，思琦笑說：「已經瘦番少少，不過都比以前大咗一個碼，多謝你哋話我升cup，餵人奶有助子宮收縮，瘦得快啲，我會盡量餵得幾耐得幾耐，因為對BB健康好啲。」昨日思琦表現輕鬆，但早前卻被樂易玲爆料指她懷疑患了產後抑鬱，思琦即調皮否認：「你哋覺得我有咩？其實返香港嗰程機隔籬嘅乘客唔舒服，俾佢傳染咗，返嚟病咗一個星期，我冇抑鬱，我係比較樂觀同開心嘅人，家有小朋友，唔會畀唔開心事影響佢，想畀多啲正能量佢。」思琦承認單親媽咪路難行，但會盡自己能力去照顧女兒，令她健康開心地成長。
「經濟冇問題」
思琦一直都很輕鬆，但當被問到吳帥是否BB爸爸時，即面有難色說：「呢啲冇任何關係，一切重新開始。」至於有報道吳帥指思琦媽難搞又被要求買樓，又另有正印女友，思琦只說：「報道唔係事實，唔會放喺心，我入行以嚟都係慳妹，買樓係畀屋企人住得舒服啲，我經濟亦冇問題。」她又謂睇《結．分＠謊情式》令戲癮發作，日後工作上與舊愛李泳豪碰面也不會尷尬。
活動完畢後，思琦取車載着經理人離開，先在九龍塘放低經理人，然後到尖沙嘴海港城一相熟salon，據知每次思琦躲避傳媒追訪，都會來海港城泊低車借salon後門離開。
