《拳王》鬧不和 冼顥英力斥鄭嘉穎
[轉載/Youtube] 對於冼灝英狂插嘉穎態度囂張及自我，《拳王》台前幕後各有說法，監製羅永賢認為冼灝英用字過分嚴厲：「冼師傅嘅說法，字眼上係嚴厲咗，我會搵佢了解！佢義務幫我哋做泰拳顧問，亦有一位動作指導，過程大家當然有意見，有唔同角度，但成件事好順利。嘉穎對工作好緊張，拍攝時唔會從容，好繃緊，呢種性格你話好又得，唔好又得，但佢哋討論過後，嘉穎都會照做。」有份參演並跟冼灝英學武的黃澤鋒，則幫師傅踩多嘉穎一腳：「佢都自我o架！我同嘉穎平時少接觸，只係點吓頭，一碰面就係打擂台，因為劇中我哋係對立，但拍攝時冇聽到佢兩個有拗撬。」不過，曾與冼灝英「開拖」的敖嘉年則封嘴：「冼灝英嘅嘢唔講喇！我只係同嘉穎合作過《法證先鋒》，見到面都會打招呼！」至於視嘉穎為「愛將」的無綫高層樂易玲，則對冼灝英的言論說：「習武嘅人係直腸直肚！」她力撐嘉穎並非習武之人，要在短時間內將拳手演得形神俱備並不容易：「嘉穎始終傷過，對所有動作都要清楚了解，唔似得浩然同師傅咁有默契！」
