遇大地震兼擔心輻射 GiGi護胎隨時取消日本行
[轉載/Youtube] 日本東北地區昨日發生地震，被傳懷孕兩個月的梁詠琪（GiGi）日內要出發到東京工作，GiGi因為擔心，她昨晚與經理人商討過後，表示會隨時取消東京之行。由梁詠琪、鄭中基和杜汶澤合演的電影《嫁個100分男人》，前晚在尖沙嘴The One舉行首映，同場還有有份演出的溫超和穿上大露背裝的「晶女郎」胡然。
昨日有消息指GiGi和老公Sergio已造人成功，懷有兩個月身孕，碰巧GiGi和日模松岡李那日內出發東京出席Tokyo Runway活動，日本東北地區昨日卻發生地震，雖然震央距離東京有一段距離，GiGi昨晚跟經理人商量後謂隨時取消行程，其經理人阿詩昨在電話說：「我哋呢兩日會睇情況，最後先決定去唔去。日本家情況唔係好明朗，政府都呼籲國民要留意海嘯警告。」
負責安排二人出席活動的王友良昨在電話說：「我睇咗報道，呢次震央喺北海道同青森，級數唔低亦唔算高，但東京受影響唔大，發出海嘯預報只係提醒大家要注意，唔使太擔心。」松岡則說：「我16號會如期出發，希望唔會影響港人去日本賞櫻嘅行程。」
老公憂心
另外，GiGi前晚出席首映時表示老公Sergio很擔心她到東京出席活動，她說：「佢始終擔心輻射問題影響到啲食物同水，我答應咗佢只係齋shopping， no eating。」是否擔心輻射影響將來生BB？GiGi直認：「都係，所以我會自己帶晒水，即食食品同湯包咁。」
GiGi又謂婚後改變很大：「以前做完嘢，逢係周末同周日，梗係搵地方同朋友去玩，不過家一做完嘢只想返屋企，好深閨，有時間咪整嘢食畀老公，但其實佢煮西餐好叻。」
同場的鄭中基表示拍此戲的時候，剛巧囡囡Emma出世，因此經常在片場看相片及跟老婆通電話。何時追第二個？鄭中基笑言：「都未夠一年，家喺度度期中。」當日鄭中基曾表示待囡囡稍為長大便跟老婆余思敏補擺婚宴，他說：「遲啲先，家個女八個月大，想佢識行先搞。」談到Emma，鄭中基顯得很開心，他透露囡囡開始學講話，他又笑言只要囡囡肯擰轉頭看自己一眼，他已經開心到不得了，還謂囡囡似遺傳了他的音樂細胞。
