患糖尿廿多年驚死 盧海鵬教蘇杏璇忍口
[轉載/Youtube] 盧海鵬榮獲今屆金像獎最佳男配角，所有人都替他開心，連多年前跟鵬哥狗咬狗骨的大白鯊林建明都幫他慶功。前晚一班EYT舊同事在尖沙嘴為鵬哥搞慶祝會，患了糖尿病廿多年的鵬哥，盼有機會與蘇杏璇分享抗病心得，最重要是控制飲食。多年來EYT藝員一直感情要好，盧海鵬憑《奪命金》勇奪金像獎最佳男配角後，一班舊同事麥景婷、吳麗珠、廖啟智、陳敏兒、黃日華、廖安麗等齊齊幫鵬哥慶祝，連跟鵬哥針鋒相對多年的大姐明林建明亦有出席，她不忘在慶功宴上寸鵬哥說：「嘩！今餐唔係佢請咩？乜咁cheap㗎！」
余慕蓮送吻被胸襲
在大合照時，余慕蓮被安排坐在鵬哥身邊，大姐明硬推余慕蓮吻賀鵬哥，混亂期間，鵬哥疑一度慌張出手觸碰到余慕蓮胸部，停留幾秒仍不自覺，余慕蓮面露尷尬神色，最後只肯作狀扮咀。
談到慶功宴浪接浪，鵬哥說：「都慶祝咗好多次，屋企人呀！珠海拍電影嗰度，仲有呢班EYT，慶鬼咁多次。」鵬哥表示現在拍戲是玩票性質，亦不會加價。
獲頒最佳女配角的蘇杏璇，因糖尿病要鋸趾，鵬哥說：「我喺之前宣傳見過佢，見佢好瘦，以為佢其他事，不過，之後有機會都會同佢傾下，我87年已經有糖尿，到家廿幾年，食嘢係要自己控制，保持血糖低，你睇阿肥（沈殿霞）同董驃都係糖尿引起，所以飲食一定要注意。」
對於有指鵬哥帶新女去嘆茶餐廳，他反問記者說：「係咪影到我個女呀？我冇睇，有時喺某餐廳會有人自己埋嚟，我都冇辦法，唉！呢啲小事，就算係都翻唔起乜嘢船浪。」
