無(錢)搞藝人版《盛女》小儀恨相睇 莊思敏飯應
[轉載/Youtube] 【盛女大追捕之再斬四両】無綫的真人騷節目《盛女愛作戰》熱爆全城，當中五位急於搵老公、男友的盛女人氣勁升，連帶收視也升爆燈，無綫眼見成績理想，已計劃在一兩個月後籌備新一輯節目，並將有兩個方案，其中一個是富貴盛女版，有意加入名人藝人盛女，莊思敏坦言有興趣拍攝，另一盛女小儀雖自謙未夠班，但若然安排相睇，她也不介意。無綫節目《盛女愛作戰》的五位女主角Suki、Mandy、Gobby、Florence和Bonnie人氣爆燈，成大眾茶餘飯後話題，節目收視也厲害，上周平均收視26點（約166萬觀眾），比平日同時段爆升6點，最高達29點（約186萬觀眾），是近兩三年來十點半時段的最高收視紀錄。無綫有見及此加快開拍第二輯，並有兩個方案，一是拍盛男版，而更大機會拍富貴盛女版，主角中有意加入富貴名人盛女。
第二輯富貴盛女
由於第一輯成功，第二輯更要搞搞新意思，據知無綫在一兩個月內開始籌備，首輯盛女主角都是普通人，無綫今次有意加高門檻拍富貴版，主角家庭背景更好更富裕，更有噱頭的是有意加入一個圈中名人。圈中不少名人盛女，隨手數來包括DJ阮小儀、莊思敏、陳淑蘭、陳法蓉、舒淇、周麗淇、容祖兒、鄧萃雯、梅小惠及名媛陳細潔等，若然其中一人肯拍攝，定必更吸引。
小儀昨在電話中被問到可有興趣參與第二輯拍攝，她笑說：「我未夠班喎！一定要係頂top嘅至可以做到，搵我搞笑就得，社會性問題就做唔到，不過我唔抗拒出席一次相睇活動，想見識吓去相睇男士嘅質素，之前都相睇過一次，啲女仔質素好高，但啲男仔就平平。」
另一邊廂，莊思敏卻甚感興趣，她說：「好呀！好玩！好有興趣！如果安排相睇我唔抗拒，做得呢個節目一定會好投入，只係有少少擔心好難搵男仔同我相睇，總之我就會等無綫電話啦！」至於港姐出身的陳淑蘭則揚言不會拍：「如果盛女係冇拖拍嘅意思，咁我就唔及格囉，因為我太多男朋友，想做都做唔到，哈哈哈……」
Suki拍廣告搵銀
此外，因節目而搵得男友的盛女Suki，據知已獲一間大型連鎖店看中拍廣告，可謂財色兼收。Suki男友Zion被指與Mandy、節目編導岑應是爛蒲三人組，無綫外事部副總監曾醒明表示那是他們的私人行為，無綫不能代為回應，他說：「只可以講佢哋係之前拍《星期二檔案》時識嘅，中間冇利益衝突，佢哋公餘活動同公司無關。」通訊事務管理局至今收到41宗投訴，投訴節目意識不良、有歧視及廣告成份，及不滿節目中介紹尋找伴侶的內容。
此外，有讀者爆料指曾任職利豐的Mandy，現於荔枝角半島大廈返工，是銷售部門的管理層；Florence則在大埔的香港教育學院財務處返工。
