蔡楓華唱哥哥經典 紅館還母尊嚴
蔡楓華苦等31年紅館開騷 2012-04-08
紅唇王子開騷型過四哥 2012-04-08
蔡楓華開騷忽然變髮
[轉載/Youtube] 蔡楓華苦等31年，昨晚終於一償心願踏上紅館舞台，舉行一場「情陷紅館演唱會2012」。昨晚入座率有九成，蔡楓華穿紅色上衣配白褲出場，戴着墨鏡，還有濃密的假髮，以經典歌《愛不是遊戲》打頭陣，令全場歌迷起哄，雖然第一首歌唱得比較急並有甩咀情況，但他全程興奮扭籮，唱得十分投入，唱罷便講出心聲說：「今日心情複雜，山頂嘅朋友你哋好嗎？我等咗呢個機會31年喇，今日高朋滿座，我要定一定神，唱好啲歌令你哋永遠記得呢個晚上。」直豎拇指
蔡楓華昨晚六時許，在張耀榮和周啟生陪同下在紅館門外舉行拜神儀式。近來頻頻操練的蔡楓華戴招牌黑超現身，並穿上一件特別訂製的牛仔褸，背面印有「Kenneth Choi in Concert 2012」字樣，在場有數十名歌迷不停尖叫說：「我哋係來自廣州嘅fans，我愛你呀！」蔡楓華聽到即展露歡顏，除揮手外，還豎起拇指高舉雙手，示意對演唱會演出充滿信心。拜神及切燒豬時，蔡楓華表現得頗緊張，一時咬緊嘴唇，一時又深呼吸，上香前還用手劃出十字符號，然後低頭祈禱。
