阿芝扮蒼井空 二千負評破紀錄
[轉載/Youtube] 數字問題。2066大家聯想到啲乜？靈芝孢子？王家衞電影？普選年份？統統都唔係，呢個係噚日喺高登討論區一條題為「卓韻芝扮蒼井空」帖子嘅負皮（負評）數目。而呢個驚人負皮數目，亦可以話破咗近年高登討論區嘅紀錄。讚空妹較立體
因乜嘢事令班高登仔咁團結，一致畀負評呢？事緣上個月有個user發帖，話卓韻芝去英國讀書嗰陣，成日將日本AV一姐蒼井空張相畀班男同學睇，啲男仔以為嗰個係佢，到阿芝鬼咁開心。個user又post咗阿芝同空妹嘅相出嚟對照，連埋嗰區區幾隻字，估唔到就呃到咁多負皮。
對於破紀錄，阿芝噚日喺電話度話：「我之前個騷都有講過呢個話題，外國人係唔識分，證明高登真係好local化，冇外國人會上。」問阿芝仲敢唔敢評論高登仔嘅女神蒼井空，佢話：「唔敢啦，怕變8,000負評，蒼井空比我立體好多，我同佢唔似，不過我承諾會學好寫毛筆字同用中文發微博。」蒼井空為打入內地巿場，正積極學寫毛筆字同用中文發微博，佢大可向中文唔錯嘅阿芝請教！
另外，最近有傳空妹會幫知名茶商代言西湖龍井，而前日空妹見到相關報道都愕咗然，佢仲否認做代言人。
