神獸巨咪夾志偉不文飄移
[轉載/Youtube] 無綫的《五覺大戰》前晚最後一集在錄影廠拍攝，獎門人曾志偉帶領湯盈盈、陳小春及謝天華任嘉賓玩餐飽。錢嘉樂安排志偉由神獸天使白雲及蔡慧欣陪玩飄移，結果他搞到兩女成身忌廉之餘還大講不文笑話，影合照時志偉更被兩女以巨胸左右夾擊。獎門人曾志偉前晚率領湯盈盈、鄧麗欣（Stephy）、梁靖琪、鍾麗淇、陳小春和謝天華等，到電視城錄影《五覺大戰》，近日終公開戀情的主持錢嘉樂及女友湯盈盈大方合照。當晚是該節目最後一次在錄影廠拍攝，下月會到新加坡拍攝兩集。
忌廉揩滿身
志偉訪問前被安排跟兩位身材最好的神獸天使怪胸人白雲及蔡慧欣玩飄移，艷福無邊，玩完後只見兩女成頭成身忌廉，反而志偉似乎未有任何「損傷」，他得戚地說：「我哋三個坐後面，我坐中間，佢哋負責餵我食蛋糕同飲汽水，但佢哋好唔穩陣，我推晒啲蛋糕落佢哋身。」之前神獸天使玩飄移露底，志偉大玩不文說：「今次佢哋冇露乜，因為我畀佢哋兩個揸住下面……條褲。」
此外湯盈盈做嘉賓必定被志偉等人狂玩，嘉樂坦言已做好心理準備，他謂：「之前洪天明都講過如果佢（湯盈盈）嚟我就知死，但當日我一直冇諗住叫佢嚟，但今晚係志偉叫佢嚟，我都無能為力，唯有見招拆招。」會否擔心志偉要他當眾求婚？嘉樂表示不知，只能見步行步。
唔得閒結婚
同場的Stephy被追問有否計劃和男友方力申結婚，她說：「結乜鬼，要搵食，唔結住。其實呢啲唔會問女方，唔係女方話事。」不過Stephy坦認雙方有這個計劃，但並非短期內，她又笑謂：「結婚唔可以傾，要突如其來先好，咁先夠浪漫，求婚好重要，要花心思。」
