馬不忠洗底 李蘢怡唔做剩女
[轉載/Youtube] 馬德鐘自從早前在橫店發生鹹豬手事件後形象插水，為力挽狂瀾、拯救背妻偷食衰男人形象，頻頻拉老婆張筱蘭出巡博洗底，前晚他與太太再出擊，出席仁愛堂就職典禮，馬太還佩戴閃耀奪目、價值數百萬元的鑽飾，他坦白說：「係贊助，我仲要努力賺錢至可以送畀太太，呢個係我工作目標。」問馬德鐘是否已落實過檔王維基的電視台？他表示：「仲傾緊。」他與宣萱拍攝的無綫劇《飛虎》，有傳因兩人離巢而被安排在 6月 24日逢星期日的炮灰檔播放，他表示：「拍嗰時已知喺呢啲時間播，想吸納唔同觀眾， 6月 27日係我生日，當係送畀自己一份生日禮物。」
李蘢怡抗拒做剩女
甚少蒲頭的李蘢怡前晚以仁愛大使身份出席就職典禮，她說：「支持媽咪做第一副主席。」她正斟洽接拍一部內地劇，如成事將要留在北京拍攝三個月，她大讚北京說：「人同地方都好舒服，又可以賺人仔，整體都令我開心。」會否追富二代？她抗拒地說：「唔會，為錢追求好辛苦。」她是否擔心做剩女？她充滿自信說：「唔擔心，我覺得剩女呢個字眼好貶低女性。」
