向西打造東莞陳妍希
[轉載/Youtube] 網絡人氣作家向西村上春樹的作品《東莞的森林》即將拍成電影，並由《3D肉蒲團之極樂寶鑑》編劇胡耀輝親自執導，向西錄音為新片造勢，聲音經過特別處理，內容抵死。身份繼續保密
變聲向西表示自己的作品會拍成電影，他說：「作品好難拍成電影，有難度唔代表不能，諷刺時弊，刻意文藝係兩大原著原有而且可以影像化的元素，反差相當大，做到幽默而與別不同的效果。」向西認為選角都重要，他建議用新臉孔，他說：「素人想像空間大，希望捧出個東莞陳妍希。」向西指其實高登仔都不知誰是陳偉霆，也可考慮選用他作男角。向西堅持日後寫作都要保持神秘，他更爆粗說：「始終我寫嘅嘢公開爆咗自己嘅黑材料，話唔影響私生活就呃X你。」
高登嫌陸永 揀偉仔入東莞森林 ( 2012-03-17 )
高登仔揀偉仔入東莞的森林
過百萬買起向西 股價 hihi( 2012-03-14 )
向西效應 3D數碼爆升
《東莞的森林》登銀幕 陸永向西肉搏o靚模 2012-03-13
向西村上春樹帶路尋歡 《東莞的森林》紅爆網登銀幕
[轉載/Youtube] 近日紅爆網絡的尋歡文藝小說《東莞的森林》，作者向西村上春樹帶路到東莞的骨場尋歡作樂，向西以抵死的文筆把跟骨妹上床的激烈過程寫得繪影繪聲，宅男爭相閱讀，《3D肉蒲團之極樂寶鑑》的編劇胡耀輝（Mark）下月便把《東莞的森林》的故事搬上銀幕，意屬排骨身形的四眼陸永擔正演向西，透過3D鏡頭帶觀眾北上尋歡。日本名小說家村上春樹的作品《挪威的森林》無人不曉，出名自然有老翻，有本地網絡作家改名向西村上春樹，去年開始在高登討論區發表尋歡文藝小說《東莞的森林》，他用村上春樹的文筆風格，描述到東莞揼邪骨的過程，產生出荒謬的喜劇感，令網民火速熱捧。向西一炮而紅，兩個月前還出書《一路向西》吸粉絲，新書數度斷市。3D情慾片《3D肉蒲團之極樂寶鑑》的導演孫立基和編劇胡耀輝看過《東莞的森林》後靈感如泉湧，決意下月把熱爆原著拍成電影。
過百萬買起向西 股價 hihi( 2012-03-14 )
向西效應 3D數碼爆升
噚日《蘋果》娛樂頭版報道，《 3D肉蒲團》編劇證實會將網上人氣小說《東莞的森林》拍成電影，禮拜一晚，中國 3D數碼（ 8078）出咗通告，話買咗作者向西村上春樹本書《一路向西》嘅版權，仲爆料話會搵 DaDa、 Jeana等模做故事嘅女主角， 6月開拍，趕及十一黃金周檔期上畫，要將小說拍成港版《美國處男》喎。
根據華華嘅娛樂新聞指數，每逢娛樂版出現中國 3D數碼主席蕭定一開戲嘅新聞，同時「肉色」佔成篇新聞嘅大部份版面，隻 8078就會爆升。果然噚日升 25%，收報 0.325蚊。
肉蒲團谷上倍半
對上一次當然係《 3D肉蒲團》上映之前嗰陣，隻股試過單日升倍半，之後當然同大家睇嘅股價圖一樣，「回到未紅時」啦！可惜華華交稿之前打畀蕭公子都冇人聽，如果唔係可以問吓佢神秘作者向西村上春樹係點樣樣吖嘛！
講番套小說，《東莞》故事大概係講一個失戀男人北上東莞尋歡嘅心路歷程，網上連載廣受網民觀迎，之後集結成書出埋《一路向西》，至於個名點解就由讀者自行思考。近年好流行網上小說改編電影，對上一套當然係台灣嘅《那些年》，套戲出街之後，人人都係那些年，最重要當然係票房喺中港台都破晒紀錄！唔知土炮作者向西村上春樹，可唔可以喺票房上打低台灣幫，為港人增光呢？
高登嫌陸永 揀偉仔入東莞森林 ( 2012-03-17 )
高登仔揀偉仔入東莞的森林
網上作家向西村上春樹本《一路向西》賣斷市帶挈佢搵唔少錢，佢嘅出道作《東莞的森林》仲俾蕭定一間公司睇中，仲話用咗七位數買版權，向西話晒喺高登發迹，消息一出自然引嚟唔少高登仔關注。
《肉蒲團》編劇胡耀輝實牙實齒話用咗近七位數買版權，但向西喺高登就幽默回應：「的確近七位數字，因為五位數字跟六位數字寫多少少就是七位數字。」又搞笑話其實收咗十九萬八千九百六十四蚊（198964），抽吓中共水，怪唔之令高登仔like爆。有巴打問向西本書有冇e-book版，向西竟然話：「你上網搵啲非法上載版本先啦。」
嫌棄陸永Jeana
講到《東莞的森林》選角，高登仔一致劣評，個個都唔like農夫嘅陸永做男主角，又狂插班模冇演技又肉酸，話Jeana只係啱做書入面個假胸女，又話畀肉蒲團班底拍，肯定變成啲無聊鹹古。唔少巴打都話套戲應該畀彭浩翔或者王家衞導演，梁朝偉做男主角先有嗰種情懷，不過王家衞搭梁朝偉，會唔會拍到2046？
