CY細女似社運少女
[轉載/Youtube]特區準第一家庭前日齊齊露面，CY個細女梁齊昕着咗件紅色外套，化晒妝咁，笑起上嚟有啲似阿爸。有社運人今日一睇報紙，以為有戰友無端端投奔狼營，定神細看之下，先知道原來係虛驚一場。事緣係英國劍橋大學讀經濟嘅梁齊昕，個樣激似80後社運少女洪曉嫻（Kitty Hung）。Kitty係「少女作家」，家喺大班個電台度開咪，有份主持節目《怪雞俱樂部》。Kitty同油麻地活化廳一班藝術家用藝術作品講平反六四。冇錯呀，係推動平反六四呀，就憑呢一點，足以證明佢同狼振英，應該冇半點血脈關係。
