李樂詩搶到床位 又怕拐子佬
[轉載/Youtube] 今年八月會再生龍仔嘅李樂詩（Joyce），之前一直為醫院婦產科床位頭痕，噚日佢同陳煒、黎淑賢等去上環出席一間學校嘅開幕禮，講番搵床位經過都話驚驚：「好彩已經搵到，但壓力好大，醫生話我知有咗，同時同我講床位fully booking，好在之前生大仔嗰間話仲有位，叫做搞掂，但真係好驚。」黎淑賢教仔求救
除咗煩床位，Joyce都要擔心拐子佬問題：「家出面好多壞人，要好小心。」Joyce又話家雖然有咗四個月，但都會親自湊囝囝：「會自己湊小朋友，工人都好小心，不過就唔使請保鑣咁嚴重。」
啱啱生咗個仔嘅黎淑賢，都話好關注拐子佬問題：「雖然唔知真定假，但都好擔心，家成日會突然從後抱起四歲嘅囝囝，睇佢識唔識叫救命。」黎淑賢仲話擔心14歲大仔嘅安全：「我同佢講，唔好以為大個就唔捉你，有時可能想要你啲器官。我家成日同佢哋講呢啲嘢，都嫌自己長氣！」同場嘅陳煒就話自己未急住生B：「我就隨緣，反而黎淑賢好着緊，仲話教我必生仔技巧！」
