[時事] 中醫師被領匯逼走患抑鬱症

領匯滅絕舊時光 毀小店心血 2012-04-20
小商戶大控訴 領匯惡霸屋邨商場

領匯叫人「尋味時光」,忘記自己多年來逼死了多少小商戶。有中醫師願意倍加租金仍被逼走,一生心血盡毀,抑鬱得幾乎喪命;一間屋邨文具店連年捱貴租,就是要守住街坊情;也有舊屋邨店舖十室九空,變成死城。當領匯股價突破30元的時候,且聽聽這些小商戶的哭訴。

領匯陰乾老店 何處尋舊味 2012-04-19


尋你老味 整極唔死 2012-04-18
領匯《尋味》借屍還魂

領匯瘋狂加租逼死小商戶,轉頭又出版公屋飲食指南《我們的尋味時光》,尋找老字號美食。領匯畀網民「尋你老味」後,為咗「社會和諧」腰斬宣傳。八方發現,呢本「尋味傑作」竟然喺CNNGo網站借屍還魂!似乎係疑似植入式廣告作怪。
美國有線新聞網絡網站CNNGo噚日報道,專搞另類本地遊嘅Secret Tour HK有感好多人唔知去邊度品嘗地道美食,所以本周六搞免費飲食團,帶老外去沙田公屋尋找隱世小店。

領匯終止「尋味時光」活動 2012-04-14

領匯發聲明指,鑑於「尋味時光」推廣活動展開以來引發各界討論,為免影響社會和諧,決定終止活動。

介紹老字號 領匯辣著網民 2012-04-11
領匯sell溫情 網民「尋你老味」


領匯尋老舖捉蟲 網民:尋你老味 2012-04-11
領匯sell溫情 網民「尋你老味」


[轉載/Youtube] 領匯「屠殺」小商戶嘅血債一疋布咁長,近排似乎想洗底,唔知邊位度咗條絕世好橋,舉辦咗個「尋味時光」活動,由DJ小儀同食家紀曉華帶大家去領匯商場「尋找老字號,細味幾代情」。網民踴躍「響應」,搞番個「尋你老味」活動,細數俾領匯逼走嘅老店血淚史。
老字號買少見少
呢兩日網民蜂擁去領匯個活動專頁留言,有人話專頁涉嫌「詐騙」,齊齊向facebook檢舉;亦有人擔心參加活動嘅老字號好快就捱唔住貴租,叫大家快啲幫襯。亦有將軍澳尚德邨嘅小店喺網頁上自誇「有30年經驗製作的煲仔粥」,大佬呀,呢條邨入咗伙14年咋!而以下留言就有過百個like:「我從來未見過如此無恥虛偽的公關工程!租金狂飆把老舖都逼死了,轉個頭來叫人去你領匯商場『尋找老字號』?」
領匯監察成員張文慧近排都有留意領匯商場周圍貼晒尋味海報,覺得好反感。佢話領匯每年都「upgrade」六至七個屋邨市場,乘機加貴租鏟走八、九成小商戶,老字號食店、雜貨店、文具舖買少見少,「街坊一路幫襯開嘅舖頭執晒,已經冇嘢值得回味」。佢話惟今之計都係要政府回購領匯,否則小市民焗住幫襯連鎖店。
領匯發言人話,樂意聆聽大家意見,但係唔會暫停專頁運作。「尋味」活動係想幫小商戶擴闊客源,而商場「upgrade」原來係為咗令家庭式經營小商戶第二代更願意繼承事業。哦!原來領匯係咁用心良苦。
霸權無處不在,油麻地活化廳就由即日起至5月底舉辦展覽,教大家「抗霸權八式」自救。例如唔好嫌遠行多兩步、多啲去小店訂貨等等。活化廳地址係上海街404號地下。

Popular Posts

Related Posts Plugin for WordPress, Blogger...